Malaki 23, 2009

Aloha hou e na makamaka heluhelu,
 
Akahi no a haalele ia Palmyra no ka hoi i Hawaii. Ke kaalo nei ma waho o ka laupapa, a ke holo pu na manu like ole i ka lewa. He la maikai keia, ke pa mai nei ka makani, ke iho mai nei na kukuna o ka la, a ke pahee nei ka waa ma ka hope o ke kua nalu, oiai, kuhikuhi pololei ka ihu o ka waa i ka makani a me na ale o ka moana. Eia ka, aole i kau ia na pea. E ko ana ka moku hahai i ka waa  i ka hikina, a moe ka waa ma ka hikina o Hawaii, i hiki ke holo wikiwiki i Hawai’i. Manao ka hookele, e ko ana ka waa no eha la, a pau kauna, e oki ana ka laina ko waa, a e kau ana ka pea, wehe ana ka la, a holo ka waa me he manu la  i luna o ka ili o ke kai me he manu kaupu la. Ke nana i mua, a i hope a ma ka aoao ma waho aku, he mau opua ua e hiki mai ana.
 
Aole i pau.
 
Naʻu na Kaleo