Malaki 25, 2009

E na makamaka heluhelu o ka aina, aloha no.
 
Eia no makou ke holo mau nei i ka moana kai uli hohonu akea. He  pulu la, he pulu wale hoi i ka ua o ka lani mai i nehinei a keia la. Aohe wahi mao o ka ua a me ke ao, a me ke kui o ka hekili, ka olapa o ka uila me he mea la, ua hanau aku nei kahi alii o kakou. O kekahi mea hoomehana kino, oia no kahi ia i lou ia e makou, he ono, a e ono ia ana no. Eia ka, o ka ia i makemake nui ia, o ka uhu no ia i kaalo mau ai i ka maka. O ka lua o ka mea hoomehana kino, oia no ke kuka kamailio, ke kani ka pila, a me ka noonoo i na hoa i aloha ia ma ka aina.
 
E kala oukou i keia mea pokole, eia nae, ua hala ka wa no ke kikokiko. E hoomau ia ana no.
 
Nau, na Kaleo