Malaki 22, 2009
Aloha e na kini o ka aina,
Eia no ke hoa holo moana o oukou, o ka leo no hoi keia o kahi manu kikaha i ka lewa, he iwa, e o aku ana i ike ia ka holona o ka waa kaulua, ka hanana, a me ke ano hoailona i ike ia ai i ka moana nui a Kila. O ka manao o keia mea kakau, e hala ole ana kahi la i ke kakau ole, eia ka, i kekahi manawa ea, pii ae ke kai kupikpikio a me ke kai hoee, a iho ana ka ua, he mau mea no hoi e hoopaakiki ai ke kikokiko ma keia wahi lolo uila nei.
Ka noho ana ma Palmyra
Elua la aku nei, ua pae iho la na kanaka hoihoi waa i Hawaii i kahi aina nani e i kapa ia o Palmyra. O ka hana ma anei, oia no i ka hoomakaukau ana i ka waa no ka holo, a me ka luu wahi kai, makaikai aina. He aina a he kai nani o ka nani. Ma ka aina, he piha u i ka ulu niu oe, ka naupaka oe, a i kahi pea, i ka papala kepau no ka hoi. Ma lalo o na kumu, he papai nui hewahewa e kokolo ana i o a i anei. Aole hiki ke holo wale ma ke ala, oiai he pono ka makaala o hehi hewa ia kena wahi ia holo aina. O ke kai, akaka lea me he mea la, ke ike nei i ke aniani ma waho o ka mea malama ia ma Sea life Paka. Nui na mano lalakea a me ka lala uli, ka hahalua, na uhu he keu a ka nui. I keia la oiai makou e luu ana, ike ia kahi uhu nona ka lae nui me he haokele la, a oi aku kona nui i ka nui o kanaka. Ma ka lewa, lelele na manu ewaewa, a, manuoku, iwa, kioea, na mea i kamaaina i ka Hawaii, eia ka, he mau mano ka nui o lakou, a lohe ia ke kikikou a ao ka po a po ke ao.
I keia ahiahi nei kuka kamailio makou no ka haalele i keia kakahiaka. Wahi a ka hookele, ma hope o ka aina kakahiaka, e kau ana ka pea, holo ana ka waa. Minamina i ka haalele ana i keia aina kamahao, eia ka makaukau a hoihoi no i ka holowaa, ke kumu hoi o keia huakai. No laila, mai keia hope aku, iau no e hea aku ana, ma ka waa no.
Ke aloha aku i na poe o ka aina,
Kaleo Wong, mea kakau
Two days ago we (the new crew) arrived here in Palmyra, and have been preparing the canoe for its next leg of the journey, cruising on the land and in the ocean. This island is full of coconut trees, naupaka, and some papala kepau trees. Under the trees are loaded with crabs crawling all over the creation. One cannot just walk, the path needs to be payed close attention to or crabs will be accidently stepped on. The ocean is super clear as if you were looking through a glass at an Aquarium such as Sea Life Park. White and Black tip sharks and Mantarays are constantly seen as well as huge uhu that are bigger then a person. The sky is full of birds that Hawaiians are familiar with, the ewaewa, a, manuoku, iwa, kioea, and they are heard all day and all night.
This evening we had a meeting and talked about leaving tomorrow morning, after breakfast. We are sad to leave this beautiful place but we are all ready and excited for our journey a cross the ocean. Therefore, after this, the next entry will come from the canoe.
Aloha,
Kaleo